Serxio Busketsning ketishi va Frank Kessiyeening muvaffaqiyatsiz o‘yini munosabati bilan "Barselona" "Jirona" yarim himoyachisi Alesh Garsiya Serranoni 2023 yilning yozida o‘z safiga qo‘shib olmoqchi. Bu haqda El Chiringuito telekanali xabar bermoqda. U agar shartnoma imzolasa, "ko‘k-anorranglilar" safiga tekinga borib qo‘shiladi, chunki uning shartnomasi mavsum oxirida tugaydi.
25 yoshli Garsiya "Vilyarreal" tarbiyalanuvchisi hisoblanadi. Keyinchalik “Manchester Siti”, Belgiyaning “Muskron”, Ruminiyaning “Dinamo”si va Ispaniyaning “Eybar” klublarida o‘ynagan.