«Manchester Yunayted» hujumchisi Krishtianu Ronaldu "mankunianliklar"ning sobiq futbolchisi Ueyn Runining tanqidlari haqida gapirdi.

“U nega meni bunchalik tanqid qilishini tushunaman. U allaqachon nafaqaga chiqqan va men hali ham yuqori saviyada o‘ynayapman. Balki u menga hasad qilayotgandir.

Lekin men undan ko‘ra yaxshiroq formada ko‘rinaman deb aytavermayman. Hamma haqiqatni biladi", - deydi Ronaldu.

37 yoshli portugaliyalik joriy mavsumda «Manchester Yunayted» safida 16 ta o‘yinda maydonga tushib, 3 ta gol urdi va 2 ta golli uzatmani amalga oshirdi.