"Real" hujumchisi Rodrigo Goes "PSJ" hujumchisi Neymar Braziliyaning eng yaxshi futbolchisi ekanligini aytdi.

"Braziliya terma jamoasi Neymar atrofida o‘yin qurishi kerakmi? Albatta, biz u maydonda o‘zini qulay his qilishi uchun hamma narsani qilishimiz kerak. Agar Neymar kerakli darajada o‘ynasa, u ko‘p foyda keltiradi va bizga yordam beradi", - deya Rodrigo so‘zlarini keltiradi Marca.

U Argentina terma jamoasi juda kuchli raqib ekanligini ham ta’kidladi. Unga ko‘ra, Amerika kubogini qo‘lga kiritish orqali ular qanchalik xavfli ekanliklarini ko‘rsatishdi.

JCH-2022 20 noyabr kuni boshlanadi. Braziliya terma jamoasi Serbiya, Shveysariya va Kamerun bilan bir guruhdan joy oldi.