Dushanbe shahrida Tojikiston va Rossiya terma jamoalari o‘rtasida o‘rtoqlik o‘yini bo‘lib o‘tdi. Uchrashuvda hisob ochilmadi.

Mazkur o‘yinni Ilgiz Tantashev boshchiligidagi o‘zbekistonlik hakamlar boshqarib borishdi. Hamyurtimiz o‘yin davomida rossiyalik futbolchiga bitta sariq kartochka ko‘rsatdi. O‘yin tugashiga 5 daqiqa qolganida mehmonlar burchak zarbasidan so‘ng to‘pni tojikistonliklar darvozasiga joylashgandi, ammo hujumda fol ishlatilgani uchun Tantashev golni bekor qildi.

Eslatib o‘tamiz, Rossiya terma jamoasi 20 noyabr kuni Toshkentda O‘zbekiston milliy jamoasi mehmoni bo‘ladi. Bahs 17:00da "Paxtakor" stadionida boshlanadi.

O‘rtoqlik o‘yini
Tojikiston – Rossiya 0:0
Tojikiston – Karomatullozoda, Yatimov, Safarov, Jo‘rabayev, Hanonov, Nazarov, Umarbayev (Karimov, 90), Jo‘raboyev, Panjshanbe, Muhammadjon (Jalilov, 58), Jalilov (Samiyev, 77), Mabatshoyev.
Rossiya – Selixov (Pesyakov, 46; Shunin, 54), Osipenko, Soldatenkov, Makarchuk, Miranchuk (Zaxaryan, 46), Utkin, Glebov, Xlusevich, Sadulayev (Mostovoy, 79), Pinyayev (Fomin, 84), Chalov (Sichevoy, 46).
Ogohlantirish: Xlusevich (72).