"Braga" hujumchisi Abel Ruis faoliyatini "Atletiko"da davom ettirishi mumkin, deb xabar beradi A Bola.
Ispaniya klubi skautlari 22 yoshli hujumchining o‘yinini kuzatishmoqda. Futbolchiga "Portu" ham da’vogarlik qilmoqda
Ruis "Barselona" tarbiyalanuvchisi va "Braga"ga 2020 yilda kelib qo‘shilgan.
Joriy mavsumda hujumchi 21 ta o‘yinda maydonga tushib, 3 ta gol va 2 ta golli uzatmani amalga oshirdi.
Ruisning "Braga" bilan shartnomasi 2025 yilgacha mo‘ljallangan. Transfermarkt portali futbolchining narxini 7 million yevroga baholamoqda.