Qatarga qarshi o‘yinda (2:0) ikkita gol urgan Ekvador terma jamoasi hujumchisi Enner Valensiya o‘yin haqidagi taassurotlari bilan o‘rtoqlashdi.

“Men bu o‘yinni anchadan beri orzu qilardim. Jahon chempionatida debyut qilishni va g‘alaba qozonishni xohlardim.

Shunday qilib, mening orzuim amalga oshdi. Bu o‘yinlarda har bir daqiqa qadrlidir. Biz raqib darvozasiga ikki bor zarba bera oldik, shundan so‘ng vaziyatni nazorat ostida ushlab turdik", - deya Ennerning so‘zlarini keltiradi Goal.com.

Jahon chempionati guruh bosqichining navbatdagi o‘yinida Ekvador terma jamoasi Gollandiyaga qarshi maydonga tushadi. O‘yin 25 noyabr kuni bo‘lib o‘tadi.