Ispaniya terma jamoasi yarim himoyachisi Dani Olmo terma jamoasining jahon chempionati guruh bosqichi 1-turida Kosta-Rika ustidan qozonilgan g‘alabani (7:0) yuqori baholadi.
"Biz o‘yindan oldin bunchalik ko‘p gol uramiz deb o‘ylamagandik, lekin gol urish har doim yoqimli. Yaxshiyamki, biz barchamiz bir-birovlarimizni juda yaxshi tushunib o‘ynadik. Ishlashda davom etamiz, chunki oldinda hali qiyin uchrashuvlar bor. Turnirda g‘alaba qozonasizmi? Hozir faqat birinchi o‘yin o‘tdi, keyin nima bo‘lishini asta-sekin ko‘rib boramiz, - dedi Olmo.
Bu uchrashuvda Olmo jamoasining ilk golini urdi va bu gol ispanlar uchun jahon chempionati tarixidagi 100-goliga aylandi.
Ikkinchi turda Ispaniya Germaniyaga, Kosta-Rika esa Yaponiyaga qarshi bahs olib boradi. Har ikki o‘yin 27 noyabr kuni bo‘lib o‘tadi.
