Испания терма жамоаси ярим ҳимоячиси Дани Ольмо терма жамоасининг жаҳон чемпионати гуруҳ босқичи 1-турида Коста-Рика устидан қозонилган ғалабани (7:0) юқори баҳолади.
"Биз ўйиндан олдин бунчалик кўп гол урамиз деб ўйламагандик, лекин гол уриш ҳар доим ёқимли. Яхшиямки, биз барчамиз бир-бировларимизни жуда яхши тушуниб ўйнадик. Ишлашда давом этамиз, чунки олдинда ҳали қийин учрашувлар бор. Турнирда ғалаба қозонасизми? Ҳозир фақат биринчи ўйин ўтди, кейин нима бўлишини аста-секин кўриб борамиз, - деди Ольмо.
Бу учрашувда Ольмо жамоасининг илк голини урди ва бу гол испанлар учун жаҳон чемпионати тарихидаги 100-голига айланди.
Иккинчи турда Испания Германияга, Коста-Рика эса Японияга қарши баҳс олиб боради. Ҳар икки ўйин 27 ноябрь куни бўлиб ўтади.
