Kristof Galtye Leo Messi, Neymar va Kilian Mbappe bilan ishlashi haqida gapirdi.
Bu uchta katta o‘yinchining egolari bilan qanday kurashasiz?
"Men uchun ego ikkilamchi narsadir. Men xarakter haqida gapirishni afzal ko‘raman. Va xaraktersiz buyuk chempionlar bo‘lmaydi.
Hasadga kelsak, hech qanday muammo yo‘q. Bu yolg‘on ma’lumotlar. Men ularni har kuni mashg‘ulotlarda ko‘raman.
Siz aytayotgan futbolchilar doimo birga vaqt o‘tkazishadi. Ularning barchasi muvaffaqiyatga intiladi. Va hamma biladiki, bu muvaffaqiyatga erishish uchun o‘zaro yordam kerak.
Men Leo, Neymar yoki Kilian bilan gaplashganimda hech qachon boshqa futbolchilar haqida gapirmayman.
Agar shunday qilgan bo‘lsam, xato qilgan bo‘lardim, chunki ular bir-birini to‘ldiradi, lekin o‘z uslublaridan chekinmaydilar", — deydi GaltYE.
