Кристоф Галтье Лео Месси, Неймар ва Килиан Мбаппе билан ишлаши ҳақида гапирди.
Бу учта катта ўйинчининг эголари билан қандай курашасиз?
"Мен учун эго иккиламчи нарсадир. Мен характер ҳақида гапиришни афзал кўраман. Ва характерсиз буюк чемпионлар бўлмайди.
Ҳасадга келсак, ҳеч қандай муаммо йўқ. Бу ёлғон маълумотлар. Мен уларни ҳар куни машғулотларда кўраман.
Сиз айтаётган футболчилар доимо бирга вақт ўтказишади. Уларнинг барчаси муваффақиятга интилади. Ва ҳамма биладики, бу муваффақиятга эришиш учун ўзаро ёрдам керак.
Мен Лео, Неймар ёки Килиан билан гаплашганимда ҳеч қачон бошқа футболчилар ҳақида гапирмайман.
Агар шундай қилган бўлсам, хато қилган бўлардим, чунки улар бир-бирини тўлдиради, лекин ўз услубларидан чекинмайдилар", — дейди Галтье.
