Fransiya terma jamoasi darvozaboni Alfons Areolya jamoaning so‘nggi mashg‘ulotlarida qatnashmadi.
Lequipe jurnalistlarining yozishicha, darvozabon bel og‘rig‘i tufayli sheriklari bilan mashg‘ulot o‘tkazmagan.
Shu munosabat bilan «uch ranglilar» bosh murabbiyi Didye Desham unga dam berishga qaror qildi.
Fransiya terma jamoasi jahon chempionatini ikkita g‘alaba bilan boshladi. Amaldagi jahon chempioni ilk turda Avstraliyani (4:1) va keyinchalik Daniyani (2:1) mag‘lub etdi.
So‘nggi turda Desham shogirdlari Tunis terma jamoasi bilan to‘qnash keladi. O‘yin 30 noyabr, chorshanba kuni bo‘lib o‘tadi.
