Франция терма жамоаси дарвозабони Альфонс Ареоля жамоанинг сўнгги машғулотларида қатнашмади.
Lequipe журналистларининг ёзишича, дарвозабон бел оғриғи туфайли шериклари билан машғулот ўтказмаган.
Шу муносабат билан «уч ранглилар» бош мураббийи Дидье Дешам унга дам беришга қарор қилди.
Франция терма жамоаси жаҳон чемпионатини иккита ғалаба билан бошлади. Амалдаги жаҳон чемпиони илк турда Австралияни (4:1) ва кейинчалик Данияни (2:1) мағлуб этди.
Сўнгги турда Дешам шогирдлари Тунис терма жамоаси билан тўқнаш келади. Ўйин 30 ноябрь, чоршанба куни бўлиб ўтади.
