Biroz oldin Jahon chempionati A guruhi 3-tur bahslari yakunlandi. Unda qora qit’a vakillari raqibini 2:1 hisobida mag‘lub etdi va keyingi bosqich yo‘llanmasini qo‘lga kiritdi.

Senegal safida ikki gol Sarr va Kulibali tomonidan kiritildi. Janubiy Amerika jamoasining yagona goliga Kaysedo mualliflik qildi.

Ayni vaqtda Senegal 6 ochko to‘plab, ikkinchi pog‘onaga chiqib oldi. Ekvador hisobida 4 ochko mavjud bo‘lib, terma jamoa 3-o‘rindan joy oldi.

Ekvador – Senegal 1:2

Gol: Sarr (44-pen, 0:1), Kaysedo (68, 1:1), Kulibali (70, 1:2).

Ekvador - 1. Ernan Galindes, 2. Feliks Torres, 3. Pyero InkapYE, 7. Pervis Estupinyan, 17. Angelo Pesyado (25. Jekson Poroso, 85), 8. Karlos Grueso (5. Xose Sifuentes, 46), 21. Alan Franko (16. Jeremi Sarmyento, 46), 23. Moyses Kaysedo, 11. Mikael Estrada (24. Jorkayeff Reasko, 64), 13. Enner Valensiya (c), 19. Gonsalo Plata

Senegal - 16. Eduar Mendi, 21. Yussuf Sabali, 3. Kalidu Kulibali, 22. Abdu Diallo, 14. Ismail Yakobs, 11. Pate Siss (6. Nampalis Mendi, 74), 26. Pap Guye, 13. Iliman Ndiaye (20. Axmadu Bamba Dyeng, 74), 5. Idrissa Guye, 18. Ismaila Sarr, 9. Bulaye Dia (4. Pape Abu Sisse, 90+6).

Ogohlantirish: Idrissa Guye (66).