Frank Kessie "Barselona"da muvaffaqiyat qozonishni istamoqda va bu qishda ketish niyati yo‘q.
Diario Sport xabariga ko‘ra, o‘tgan yozda tekin transfer evaziga Kataloniya klubiga kelib qo‘shilgan va tarkibga kira olmayotgan yarim himoyachi "Barsa"da muvaffaqiyat qozona olishiga ishonchi komil. U kelasi yozgacha Xavini o‘zining qadriga ishontirmoqchi.
Kessie biladiki, unga "Barsa"da boshlang‘ich futbolchi bo‘lish oson bo‘lmaydi. Uning fikricha, klubdagi dastlabki oylar uni moslashishga majbur qilgan va xulosa chiqarishga hali erta. Frank Xavi ko‘p o‘yinlarda uning o‘rinbosar sifatida o‘ynaganini qadrlaydi.
A Seriyaning bir qancha klublari yarim himoyachi atrofidagi vaziyatni kuzatib borishmoqda. Xususan, unga “Inter” qiziqish bildirmoqda. Kessie bu qiziqishdan xabardor, ammo qishda "Barsa"ni tark etishni istamayapti.
25 yoshli futbolchi joriy mavsumda “Barselona” safida barcha turnirlarda 13 ta o‘yinda maydonga tushdi va 1 ta gol urdi.
