Kristian Pulishich faoliyatini qayta boshlash uchun “Chelsi”ni tark etmoqchi.
The Athletic xabariga ko‘ra, yarim himoyachi London klubi bilan 2025 yilning yoziga qadar amal qiladigan shartnomasini uzaytirish niyatida emas. U boshqa jamoaga o‘tmoqchi.
Aytishlaricha, Pulishich "Chelsi"da baxtli. Uning klub bilan ham, muxlislar bilan ham muammosi yo‘q. Kristian Londonni yaxshi ko‘radi va jamoada ko‘plab do‘stlari bor. Amerikalik klubini o‘zgartirish istagi uning karyerasining rivojlanishi to‘xtab qolganini his qilish bilan bog‘liq.
"Chelsi"da Pulishichning kelajagini hal qilish uchun ikkita transfer oynasi bo‘ladi.
"Chelsi" Pulishich uchun taxminan 35 million funt (taxminan 40 million yevro) so‘ramoqda.
«Manchester Yunayted» uchun futbolchini ijaraga olish varianti qiziq ekani xabar qilingandi. Biroq, The Athletic xabariga ko‘ra, Pulishich ijaraga o‘tmoqchi emas - uni faqat to‘laqonli transfer qiziqtiradi.
