Кристиан Пулишич фаолиятини қайта бошлаш учун “Челси”ни тарк этмоқчи.
The Athletic хабарига кўра, ярим ҳимоячи Лондон клуби билан 2025 йилнинг ёзига қадар амал қиладиган шартномасини узайтириш ниятида эмас. У бошқа жамоага ўтмоқчи.
Айтишларича, Пулишич "Челси"да бахтли. Унинг клуб билан ҳам, мухлислар билан ҳам муаммоси йўқ. Кристиан Лондонни яхши кўради ва жамоада кўплаб дўстлари бор. Америкалик клубини ўзгартириш истаги унинг карьерасининг ривожланиши тўхтаб қолганини ҳис қилиш билан боғлиқ.
"Челси"да Пулишичнинг келажагини ҳал қилиш учун иккита трансфер ойнаси бўлади.
"Челси" Пулишич учун тахминан 35 миллион фунт (тахминан 40 миллион евро) сўрамоқда.
«Манчестер Юнайтед» учун футболчини ижарага олиш варианти қизиқ экани хабар қилинганди. Бироқ, The Athletic хабарига кўра, Пулишич ижарага ўтмоқчи эмас - уни фақат тўлақонли трансфер қизиқтиради.
