Ispaniya terma jamoasining sobiq futbolchisi Sesk Fabregas Qatarda bo‘lib o‘tayotgan jahon chempionatida terma jamoaga g‘alaba qozonish oson bo‘lmasligini aytdi.
Guruh bosqichining 3-turida ispanlar Yaponiyaga qarshi bahs olib boradi. Jamoa to‘rt ochko bilan guruhda peshqadamlik qilmoqda.
“Hozirgi Ispaniya terma jamoasida ko‘plab yosh futbolchilar bor. Individual mahoratga baho beradigan bo‘lsak, hech kim jamoani turnir favoritlaridan biri deb hisoblamaydi, ammo o‘yin saviyasi boshqa masala. Men jamoaga ishonaman, lekin u favoritlar qatorida emas, deb o‘ylayman”, - deya Fabregasdan iqtibos keltiradi DAZN.
Yaponiya va Ispaniya uchrashuvi bugun, 1 dekabr kuni bo‘lib o‘tadi. Boshlanish Toshkent vaqti bilan 23.59 da.
