Испания терма жамоасининг собиқ футболчиси Сеск Фабрегас Қатарда бўлиб ўтаётган жаҳон чемпионатида терма жамоага ғалаба қозониш осон бўлмаслигини айтди.
Гуруҳ босқичининг 3-турида испанлар Японияга қарши баҳс олиб боради. Жамоа тўрт очко билан гуруҳда пешқадамлик қилмоқда.
“Ҳозирги Испания терма жамоасида кўплаб ёш футболчилар бор. Индивидуал маҳоратга баҳо берадиган бўлсак, ҳеч ким жамоани турнир фаворитларидан бири деб ҳисобламайди, аммо ўйин савияси бошқа масала. Мен жамоага ишонаман, лекин у фаворитлар қаторида эмас, деб ўйлайман”, - дея Фабрегасдан иқтибос келтиради DAZN.
Япония ва Испания учрашуви бугун, 1 декабрь куни бўлиб ўтади. Бошланиш Тошкент вақти билан 23.59 да.
