“Vest Xem” va Angliya terma jamoasi yarim himoyachisi Deklan Rays klubni tark etishi mumkinligi haqida gapirdi.

“Klubim uchun doimo yaxshi o‘ynayapman va ishlashda davom etmoqchiman. Jamoadoshlarim Chempionlar ligasida g‘alaba qozonib, katta sovrinlarni qo‘lga kiritayotganini ko‘raman. Bizda esa faqat bir xil karyera bor. Oxir-oqibat, faoliyatimga nazar tashlab, qanday g‘alaba qozonganimizni, qanday muhim uchrashuvlarda qatnashganimni ko‘rmoqchiman. Men haqiqatan ham juda ko‘p ambisiyalarga egaman", - dedi Rays Sky Sports nashriga.

23 yoshli inglizning "Vest Xem" bilan shartnomasi 2024 yilgacha mo‘ljallangan va u bir necha bor shartnomani uzaytirishdan bosh tortgan. Transfermarkt portali futbolchining narxini 80 million yevroga baholamoqda.

Rays joriy mavsumda “bolg‘achilar” safida 20 ta o‘yinda maydonga tushib, 1 ta gol urdi va 2 ta golli uzatmani amalga oshirdi.