“Вест Хэм” ва Англия терма жамоаси ярим ҳимоячиси Деклан Райс клубни тарк этиши мумкинлиги ҳақида гапирди.
“Клубим учун доимо яхши ўйнаяпман ва ишлашда давом этмоқчиман. Жамоадошларим Чемпионлар лигасида ғалаба қозониб, катта совринларни қўлга киритаётганини кўраман. Бизда эса фақат бир хил карьера бор. Охир-оқибат, фаолиятимга назар ташлаб, қандай ғалаба қозонганимизни, қандай муҳим учрашувларда қатнашганимни кўрмоқчиман. Мен ҳақиқатан ҳам жуда кўп амбицияларга эгаман", - деди Райс Sky Sports нашрига.
23 ёшли инглизнинг "Вест Хэм" билан шартномаси 2024 йилгача мўлжалланган ва у бир неча бор шартномани узайтиришдан бош тортган. Transfermarkt портали футболчининг нархини 80 миллион еврога баҳоламоқда.
Райс жорий мавсумда “болғачилар” сафида 20 та ўйинда майдонга тушьиб, 1 та гол урди ва 2 та голли узатмани амалга оширди.
