"Chelsi" bu mavsumda "Inter"da ijara asosida to‘p surayotgan hujumchi Romelu Lukaku borasida hech narsani rejalashtirmayapti. Football Italia xabariga ko‘ra, klub belgiyalik futbolchining qaytishini kutmayapti.
"Inter" "Chelsi" bilan ijara muddatini yana bir mavsumga uzaytirish borasida muzokaralarni boshlab yuborgan. "Ko‘klar" hujumchidan doimiy ravishda qutulmoqchi, ammo talab kam bo‘lgani uchun buni amalga oshirish juda qiyin bo‘ladi.
Eslatib o‘tamiz, Lukaku Belgiya terma jamoasi safida Xorvatiyaga qarshi o‘tgan so‘nggi o‘yin tufayli tanqid qilingandi. Hujumchi bir qancha qulay vaziyatlarni amalga oshira olmadi, shu tufayli "qizil iblislar" xorvatlarni mag‘lub eta olmadi va guruh bosqichidaq turnirni tark etishdi.
