"Челси" бу мавсумда "Интер"да ижара асосида тўп сураётган ҳужумчи Ромелу Лукаку борасида ҳеч нарсани режалаштирмаяпти. Football Italia хабарига кўра, клуб бельгиялик футболчининг қайтишини кутмаяпти.
"Интер" "Челси" билан ижара муддатини яна бир мавсумга узайтириш борасида музокараларни бошлаб юборган. "Кўклар" ҳужумчидан доимий равишда қутулмоқчи, аммо талаб кам бўлгани учун буни амалга ошириш жуда қийин бўлади.
Эслатиб ўтамиз, Лукаку Бельгия терма жамоаси сафида Хорватияга қарши ўтган сўнгги ўйин туфайли танқид қилинганди. Ҳужумчи бир қанча қулай вазиятларни амалга ошира олмади, шу туфайли "қизил иблислар" хорватларни мағлуб эта олмади ва гуруҳ босқичидақ турнирни тарк этишди.
