"Real"ning afsonaviy himoyachisi Marseloning o‘g‘li 12 yoshli Enso "qaymoqranglilar" bilan shartnoma imzoladi. Bu haqda jurnalist Fabrisio Romano xabar berdi. Bu uning klub bilan tuzgan birinchi shartnomasi bo‘lib, uning otasi "Real"da uzoq vaqt o‘ynagan.
Eslatib o‘tamiz, Marselo 15 yil - 2007 yildan 2022 yilgacha "Real" sharafini himoya qilgan. Klub tarkibida u olti karra Ispaniya chempioni bo‘ldi, besh marta Chempionlar ligasida g‘olib chiqdi, ikki marta Ispaniya kubogini va besh marta ushbu mamlakat Superkubogini qo‘lga kiritdi.
2022 yilning kuzida Marselo “Olimpiakos”ga ko‘chib o‘tdi, biroq u yerda ko‘p o‘ynay olmayapti va mish-mishlarga ko‘ra, Gresiya jamoasini tark etishni rejalashtirmoqda.
