"Реал"нинг афсонавий ҳимоячиси Марселонинг ўғли 12 ёшли Энцо "қаймоқранглилар" билан шартнома имзолади. Бу ҳақда журналист Фабрицио Романо хабар берди. Бу унинг клуб билан тузган биринчи шартномаси бўлиб, унинг отаси "Реал"да узоқ вақт ўйнаган.
Эслатиб ўтамиз, Марсело 15 йил - 2007 йилдан 2022 йилгача "Реал" шарафини ҳимоя қилган. Клуб таркибида у олти карра Испания чемпиони бўлди, беш марта Чемпионлар лигасида ғолиб чиқди, икки марта Испания кубогини ва беш марта ушбу мамлакат Суперкубогини қўлга киритди.
2022 йилнинг кузида Марсело “Олимпиакос”га кўчиб ўтди, бироқ у ерда кўп ўйнай олмаяпти ва миш-мишларга кўра, Греция жамоасини тарк этишни режалаштирмоқда.
