Ispaniyalik yarim himoyachi Markos Lyorente jamoasining jahon chempionatini tark etganiga munosabat bildirdi. Luis Enrike shogirdlari Marokash terma jamoasiga penaltilar seriyasida mag‘lub bo‘ldi.
"O‘yin taqdirini penaltilar hal qildi. Siz ajoyib o‘yin ko‘rsatishingiz va gol urmasligingiz mumkin, penaltilar seriyasida esa har qanday natija mumkin. Bizga oson bo‘lmadi, raqib himoyada yopildi, maydon maysasi ham biz tomonda emasdi. Biz juda yaxshi himoyalangan va astoydil ishlagan marokashliklarga hurmat bajo keltirishimiz kerak" - dedi Markos Lyorente Ispaniya televideniyesida.
