Испаниялик ярим ҳимоячи Маркос Льоренте жамоасининг жаҳон чемпионатини тарк этганига муносабат билдирди. Луис Энрике шогирдлари Марокаш терма жамоасига пенальтилар сериясида мағлуб бўлди.

"Ўйин тақдирини пенальтилар ҳал қилди. Сиз ажойиб ўйин кўрсатишингиз ва гол урмаслигингиз мумкин, пенальтилар сериясида эса ҳар қандай натижа мумкин. Бизга осон бўлмади, рақиб ҳимояда ёпилди, майдон майсаси ҳам биз томонда эмасди. Биз жуда яхши ҳимояланган ва астойдил ишлаган марокашликларга ҳурмат бажо келтиришимиз керак" - деди Маркос Льоренте Испания телевидениесида.