2022 yilgi jahon chempionatida urilgan har bir gol Braziliya terma jamoasi tomonidan raqslar bilan nishonlanadi. Bunday bayramni hamma ham qadrlamagan, braziliyalik futbolchilarni tanqid qiluvchilar ham bor.
Jamoa hujumchisi Vinisius Junior Braziliya terma jamoasining raqslari haqidagi tanqidlarga javob berdi.
"Bu futboldagi muhim lahza. Gol urilgandan keyin nafaqat biz, balki butun mamlakat bayram qiladi. Yana ko‘p raqslarimiz bor. Ko‘p raqsga tushish va shunday ritmda finalga chiqish uchun yaxshi o‘ynashda davom etish muhim", — dedi Vinisius matbuot anjumanida.
Braziliya terma jamoasi jahon chempionatidagi navbatdagi o‘yinni 9 dekabr kuni - chorak finalda Xorvatiyaga qarshi o‘tkazadi.
