Madridning «Real» klubi «Manchester Yunayted»ning yosh iqtidori Alexandro Garnachoni sotib olmoqchi.
Relevo xabariga ko‘ra, «qirollik klubi» argentinalik futbolchining transferiga chindan ham qiziqish bildirgan.
Eslatib o‘tamiz, Garnacho o‘tgan mavsum Ralf Rangnik boshchiligidagi «MYU» asosiy jamoasida debyut qilgan edi, ammo «mankunianliklar»ning yangi ustozi Erik ten Xag yarim himoyachining o‘yin vaqtini sezilarli darajada oshirgan. Angliya premyer-ligasining so‘nggi turida Alexandro safarda «Fulxem»ga qarshi o‘yinda so‘nggi daqiqalarda gol urib jamoasiga g‘alaba keltirdi.
Garnacho Argentina terma jamoasining Jahon chempionati uchun qaydnomasiga kiritilmagan.