Milanning "Inter" klubi "Lasio"dan ijara asosida o‘ynayotgan Franchesko Acherbini sotib olmoqchi. Jurnalist Nikolo Shkiraning so‘zlariga ko‘ra, “neradzurrilar” hozirdanoq kelishuv ustida faol ishlamoqda.
34 yoshli futbolchining o‘zi ham qolishni istamoqda va rahbariyatdan bu masalani tezroq yopishni so‘ramoqda. "Lasio" o‘z himoyachisini 3,5 million yevroga baholamoqda, biroq "Inter" buncha pul to‘lashga tayyor emas. Milan klubi uni bir yarim million yevroga sotib olish borasida kelishib olmoqchi.
Ayni damda Acherbi Italiya chempionatining to‘qqizta o‘yinida bitta golli uzatmani amalga oshirgan.
