Миланнинг "Интер" клуби "Лацио"дан ижара асосида ўйнаётган Франческо Ачербини сотиб олмоқчи. Журналист Николо Шкиранинг сўзларига кўра, “нерадзуррилар” ҳозирданоқ келишув устида фаол ишламоқда.
34 ёшли футболчининг ўзи ҳам қолишни истамоқда ва раҳбариятдан бу масалани тезроқ ёпишни сўрамоқда. "Лацио" ўз ҳимоячисини 3,5 миллион еврога баҳоламоқда, бироқ "Интер" бунча пул тўлашга тайёр эмас. Милан клуби уни бир ярим миллион еврога сотиб олиш борасида келишиб олмоқчи.
Айни дамда Ачерби Италия чемпионатининг тўққизта ўйинида битта голли узатмани амалга оширган.
