Jurnalist Matteo Morettoning so‘zlariga ko‘ra, «Liverpul» Dortmundning «Borussiya» klubi va Angliya terma jamoasi yarim himoyachisi Jud Bellingem uchun 150 million yevro to‘lashga tayyor.
Avvalroq, 19 yoshli yarim himoyachiga «Chelsi», «Manchester Yunayted», «Real» va «Manchester Siti» klublari ham qiziqish bildirayotgani haqida xabar berilgandi. Biroq, turli manbalarga ko‘ra, yosh angliyalikni qo‘lga kiritish uchun kurashda aynan «Liverpul» yetakchilik qilmoqda.
Bellingemning «Borussiya» bilan amaldagi shartnomasi 2025 yilning yoziga qadar tuzilgan. Transfermarkt angliyalik futbolchini 100 million yevroga baholamoqda.
