Журналист Маттео Мореттонинг сўзларига кўра, «Ливерпуль» Дортмунднинг «Боруссия» клуби ва Англия терма жамоаси ярим ҳимоячиси Жуд Беллингем учун 150 миллион евро тўлашга тайёр.
Аввалроқ, 19 ёшли ярим ҳимоячига «Челси», «Манчестер Юнайтед», «Реал» ва «Манчестер Сити» клублари ҳам қизиқиш билдираётгани ҳақида хабар берилганди. Бироқ, турли манбаларга кўра, ёш англияликни қўлга киритиш учун курашда айнан «Ливерпуль» етакчилик қилмоқда.
Беллингемнинг «Боруссия» билан амалдаги шартномаси 2025 йилнинг ёзига қадар тузилган. Transfermarkt англиялик футболчини 100 миллион еврога баҳоламоқда.
