"Liverpul" bosh murabbiyi Yurgen Klopp BAAdagi Dubai Super Cup ko‘rgazmali turniri doirasidagi "Lion"dan uchralgan mag‘lubiyat (1:3) haqida fikr bildirdi.
“Biz o‘yinni juda yaxshi boshladik, birinchi bo‘limda menga ko‘p narsa yoqdi. Fabiu yaxshi o‘ynadi, ikkinchi golni urishi mumkin edi, ammo keyin raqibni o‘tkazib yubordik va hisob tenglashdi. Ikkinchi bo‘limda biz ko‘p narsani o‘zgartirishga majbur bo‘ldik va mashg‘ulotlarda qilgan barcha ishlarni hisobga olsak, 60 daqiqa har qanday futbolchi qila oladigan maksimal vaqt ekanligi ayon bo‘ldi. Hozircha biz juda yaxshi tashkillashgan jamoa emasmiz. Ammo bu o‘rganish jarayoni va biz undan saboq olish uchun ushbu o‘yindan foydalanamiz”, dedi Klopp o‘yindan keyingi matbuot anjumanida.
