"Ливерпуль" бош мураббийи Юрген Клопп БААдаги Dubai Super Cup кўргазмали турнири доирасидаги "Лион"дан учралган мағлубият (1:3) ҳақида фикр билдирди.

“Биз ўйинни жуда яхши бошладик, биринчи бўлимда менга кўп нарса ёқди. Фабиу яхши ўйнади, иккинчи голни уриши мумкин эди, аммо кейин рақибни ўтказиб юбордик ва ҳисоб тенглашди. Иккинчи бўлимда биз кўп нарсани ўзгартиришга мажбур бўлдик ва машғулотларда қилган барча ишларни ҳисобга олсак, 60 дақиқа ҳар қандай футболчи қила оладиган максимал вақт эканлиги аён бўлди. Ҳозирча биз жуда яхши ташкиллашган жамоа эмасмиз. Аммо бу ўрганиш жараёни ва биз ундан сабоқ олиш учун ушбу ўйиндан фойдаланамиз”, деди Клопп ўйиндан кейинги матбуот анжуманида.