"Manchester Yunayted" "Napoli" va Janubiy Koreya termasi himoyachisi Kim Min Chjega qiziqish bildirmoqda, deb xabar beradi Daily Mirror.
Manbaga ko‘ra, o‘tgan mavsumda janubiy koreyalik futbolchi "Manchester Yunayted"ga o‘tishi mumkin bo‘lgan, biroq "qizil iblislar" o‘shanda futbolchini xarid qilmaslikka qaror qilgan va natijada u "Fenerbaxche"ga, 2022 yilda esa "Napoli"ga o‘tgan. Hozirda, 2022 yilgi Jahon chempionatidagi ajoyib o‘yinidan so‘ng, Premyer-liga klubi Min Chjega yana qiziqish bildirmoqda.
Qatardagi turnirda 26 yoshli futbolchi Koreya terma jamoasi safida uchta o‘yin o‘tkazdi. Joriy mavsumda Kim Min Chje "Napoli" safida barcha musobaqalarda 20 ta o‘yinda maydonga tushib, 2 ta gol urdi. Uning shartnomasi 2025 yilning yoziga qadar mo‘ljallangan.