Braziliya terma jamoasi sobiq hujumchisi Ronaldo «PSJ» forvardi Neymar JCH-2022dan keyin psixologga murojaat qilishi kerak deya hisoblaydi.

«Bunday bosimdan chiqib ketish uchun men Neymarga psixolog xizmatiga murojaat qilishni maslahat bergan bo‘lardim. Bunday bosim bir insonga haddan tashqari ko‘plik qiladi. Shunda Neymar yangi ishtiyoq va yangi xohish bilan qaytadi.

Ammo shuni ta’kidlashni istardimki, futbochlilarimizning ruhiy holatini nazorat qilib borishimiz kerak. Biz uchun bu masalani hal qilish muhim ahamiyatga ega, ayniqsa, gap butun dunyo kuzatadigan jahon chempionati haqida ketsa. Butun jahon Neymarni kuzatib turgandi.

Men Neymarning ruhiy jihatdan qiynalgani haqidagi intervyusini ko‘rganimda yuragim chil-parchin bo‘ldi. Unga qanday yordam berish mumkinligini bilishni xohlardim. Hozir bu haqda gapirish mumkin, ammo bizning paytda bu haqda gap gapirishgan.

U faoliyati davomida amalga oshirgan ishlarni qadrlamaslik mumkin emas. Albatta, barcha jahon chempionatida g‘olib chiqishni istaydi. Ammo bu oson ish emasligini barcha biladi. Bizda 5ta chempionlik bor. Bu borada barchadan ustunmiz», – dedi Ronaldo "Globo" nashriga bergan intervyusida.