Madridning “Real” klubi hujumchisi Karim Benzema ispan klubida mashg‘ulot o‘tkazmoqda. Bu haqda klub o‘z ijtimoiy tarmoqlarida joylashtirgan suratlaridan ma’lum bo‘ldi.

Avvalroq Marca nashri 34 yoshli futbolchi jarohatidan to‘liq forig‘ bo‘lgani va Fransiya terma jamoasiga Qatardagi jahon chempionatidagi hal qiluvchi o‘yinlarda yordam bera olishi haqida xabar bergandi.

Eslatib o‘tamiz, 34 yoshli Benzema Fransiya terma jamoasining Qatarda joylashgan joyida edi, biroq turnirdagi birinchi o‘yin oldidan jarohati sabab jamoani tark etgandi.

Fransuzlar bosh murabbiyi Didye Desham uning o‘rniga o‘rinbosardan foydalanmaslikka qaror qildi va o‘z tarkibiga yangi futbolchi taklif qilmadi.

Butun turnir davomida Benzema Fransiya terma jamoasi joylashgan joyga qaytishi mumkinligi haqida xabarlar tarqalgan edi.