"Brayton" va Argentina terma jamoasi yarim himoyachisi Aleksis Makalister faoliyatini "Tottenxem"da davom ettirishi mumkin, deb xabar beradi The Sun.
Nashrning yozishicha, argentinalik yarim himoyachi Qatarda bo‘lib o‘tayotgan JCH-2022dagi o‘yini bilan London klubi rahbariyatini hayratda qoldirgan. "Tottenxem" boshqaruvchi direktori Fabio Paratichi Makalisterni sotib olishga rozi bo‘ldi.
Yarim himoyachi joriy mavsumda “Brayton” safida 14 ta o‘yinda maydonga tushib, 5 ta gol urdi. Transfermarkt portaliga ko‘ra futbolchining narxi 32 million yevroga baholanmoqda.