"Брайтон" ва Аргентина терма жамоаси ярим ҳимоячиси Алексис Макалистер фаолиятини "Тоттенхэм"да давом эттириши мумкин, деб хабар беради The Sun.
Нашрнинг ёзишича, аргентиналик ярим ҳимоячи Қатарда бўлиб ўтаётган ЖЧ-2022даги ўйини билан Лондон клуби раҳбариятини ҳайратда қолдирган. "Тоттенхэм" бошқарувчи директори Фабио Паратичи Макалистерни сотиб олишга рози бўлди.
Ярим ҳимоячи жорий мавсумда “Брайтон” сафида 14 та ўйинда майдонга тушиб, 5 та гол урди. Transfermarkt порталига кўра футболчининг нархи 32 миллион еврога баҳоланмоқда.