"Inter" klubi Slovakiya terma jamoasi himoyachisi Milan Shkrinyarga klub bilan shartnomani uzaytirish uchun yangi shartlarni taklif qildi va shu hafta oxirigacha futbolchidan javob kutmoqda. Bu haqda Tuttomercatoweb xabar bermoqda.

Shkrinyarning "Inter" bilan shartnomasi kelasi yilning yozida tugaydi.

Fransiya "PSJ" klubi slovakiyalik futbolchi xizmatiga qiziqish bildirmoqda, ammo milanliklar muzokaralarni to‘xtatdi va hozir Shkrinyarni jamoada saqlab qolishga harakat qilmoqda.

Parij klubining bosimini inobatga olgan holda, "Inter" shartnomani uzaytirish masalasini imkon qadar tezroq hal qilmoqchi.