"Интер" клуби Словакия терма жамоаси ҳимоячиси Милан Шкриньярга клуб билан шартномани узайтириш учун янги шартларни таклиф қилди ва шу ҳафта охиригача футболчидан жавоб кутмоқда. Бу ҳақда Tuttomercatoweb хабар бермоқда.

Шкриньярнинг "Интер" билан шартномаси келаси йилнинг ёзида тугайди.

Франция "ПСЖ" клуби словакиялик футболчи хизматига қизиқиш билдирмоқда, аммо миланликлар музокараларни тўхтатди ва ҳозир Шкриняьрни жамоада сақлаб қолишга ҳаракат қилмоқда.

Париж клубининг босимини инобатга олган ҳолда, "Интер" шартномани узайтириш масаласини имкон қадар тезроқ ҳал қилмоқчи.