Gari Lineker JCH-2022dagi Argentina terma jamoasini 1986 yilgi chempionlar tarkibi bilan solishtirdi.
"Bu Argentina terma jamoasi, menimcha, 1986 yilgi jahon chempionatida g‘olib chiqqan terma jamoaga juda o‘xshaydi.
Ular juda tajovuzkor, ularda barcha pozisiyalarda eng iqtidorli bo‘lmasa-da, kuchli futbolchilar ko‘p.
Lekin ularda juda yaxshi markaziy hujumchi bor. 1986 yilda bu Xorxe Valdano edi, endi esa Xulian Alvares.
Keyin esa to‘pni dahoga berishadi - avval Maradona, endi esa Messi. Shunga o‘xshash yondashuv, lekin bu yetarli bo‘ladimi?" - dedi Angliya terma jamoasining sobiq futbolchisi.
Argentina JCH-2022 finalida Fransiyaga qarshi maydonga tushadi. O‘yin 18 dekabr, yakshanba kuni bo‘lib o‘tadi.
