Гари Линекер ЖЧ-2022даги Аргентина терма жамоасини 1986 йилги чемпионлар таркиби билан солиштирди.
"Бу Аргентина терма жамоаси, менимча, 1986 йилги жаҳон чемпионатида ғолиб чиққан терма жамоага жуда ўхшайди.
Улар жуда тажовузкор, уларда барча позицияларда энг иқтидорли бўлмаса-да, кучли футболчилар кўп.
Лекин уларда жуда яхши марказий ҳужумчи бор. 1986 йилда бу Хорхе Вальдано эди, энди эса Хулиан Альварес.
Кейин эса тўпни даҳога беришади - аввал Марадона, энди эса Месси. Шунга ўхшаш ёндашув, лекин бу етарли бўладими?" - деди Англия терма жамоасининг собиқ футболчиси.
Аргентина ЖЧ-2022 финалида Францияга қарши майдонга тушади. Ўйин 18 декабр, якшанба куни бўлиб ўтади.
