Dortmundning "Borussiya" klubi hujumchisi Yussufa Mukoko "Manchester Yunayted" e’tiboriga tushdi. Mankunianliklar germaniyalik 18 yoshli iqtidorni qishda sotib olish yoki yozda erkin agent maqomida o‘z safiga jalb etish imkoniyatini o‘rganib chiqmoqda. Bu haqda The Times nashri xabar berdi.
Avvalroq Mukokoga "Chelsi"dan taklif borligi xabar qilingandi. Markaziy hujumchi joriy mavsum Bundesligada 14 ta o‘yinda 6 ta gol urdi va 4 ta golli uzatma berdi. Transfermarkt uni 30 millionga baholamoqda.