Luka Ernandes va Pol Pogba JCH-2022 finaliga bormaydi.

"Bavariya"ning fransiyalik himoyachisi Qatardagi turnirning guruh bosqichi 1-turi doirasida Avstraliyaga (4:1) qarshi o‘yinda jarohat olib, yaqinda tizzasidan operasiya qilindi.

Myunxenliklar Qatarga 6 soatlik parvoz futbolchining tiklanishiga salbiy ta’sir ko‘rsatadi deb hisoblashmoqda, shu sababli, uning Dohaga borishini taqiqlab qo‘ydi. Biroq, agar finalda Fransiya g‘alaba qozonsa, futbolchi Parijda chempionlikni nishonlash uchun qo‘yib yuboriladi.

"Yuventus" ham yarim himoyachi Pol Pogbani Qatardagi turnir finaliga qo‘yib yubormoqchi emas. 29 yoshli yarim himoyachi sentyabr oyida tizzasidan operasiya qilingan, keyin esa son qismidan jarohat olgan edi.

Pogba jamoadoshlariga jahon chempionati finaliga chiqishni hohlashini aytgandi, ammo "Yuventus" yarim himoyachi jarohatidan foriq bo‘layotgani uchun uni Qatarga jo‘natishga qarshi.

18 dekabr yakshanba kuni JCH-2022 finalida Fransiya Argentinaga qarshi maydonga tushadi.