«Navbahor»ning serbiyalik 29 yoshli tajribali hujumchisi Zoran Marushich klubni tark etdi.

Serbiyalik futbolchi yakunlangan mavsumda “Navbahor” tarkibida O‘zbekiston Coca Cola Superligasi bahslarida 25 ta o‘yinda maydonga tushib, 1891 daqiqa to‘p tepgan holda, raqiblar darvozasiga 11 ta gol urib, 2 ta golga assistentlik qildi, ya’ni, jamoamizning mavsum – 2022 dagi to‘purariga aylandi.

Zoran Marushich O‘zbekiston Coca Cola kubogi bellashuvlarida “lochinlar” tarkibida 7 ta o‘yinda maydonga tushib, 624 daqiqa to‘p tepgan holda, 1 ta golga mualliflik qildi.

Bir so‘z bilan aytganda, serbiyalik hujumchi “Navbahor”ning yakunlangan mavsumda vise-chempionlik unvonini qo‘lga kiritishi va “lochinlar”ning O‘zbekiston Coca Cola kubogi finaliga qadar yetib borishida o‘zining munosib hissasini qo‘shdi.    

Biz Zoran Marushichga “Navbahor”dagi faoliyati uchun o‘z minnatdorligimizni bildirib, yangi jamoasida omad yor bo‘lishini tilaymiz.

“Navbahor” PFK matbuot xizmati.