«Навбаҳор»нинг сербиялик 29 ёшли тажрибали ҳужумчиси Зоран Марушич клубни тарк этди.

Сербиялик футболчи якунланган мавсумда “Навбаҳор” таркибида Ўзбекистон Coca Cola Суперлигаси баҳсларида 25 та ўйинда майдонга тушиб, 1891 дақиқа тўп тепган ҳолда, рақиблар дарвозасига 11 та гол уриб, 2 та голга ассистентлик қилди, яъни, жамоамизнинг мавсум – 2022 даги тўпурарига айланди.

Зоран Марушич Ўзбекистон Coca Cola кубоги беллашувларида “лочинлар” таркибида 7 та ўйинда майдонга тушиб, 624 дақиқа тўп тепган ҳолда, 1 та голга муаллифлик қилди.

Бир сўз билан айтганда, сербиялик ҳужумчи “Навбаҳор”нинг якунланган мавсумда вице-чемпионлик унвонини қўлга киритиши ва “лочинлар”нинг Ўзбекистон Coca Cola кубоги финалига қадар етиб боришида ўзининг муносиб ҳиссасини қўшди.    

Биз Зоран Марушичга “Навбаҳор”даги фаолияти учун ўз миннатдорлигимизни билдириб, янги жамоасида омад ёр бўлишини тилаймиз.

“Навбаҳор” ПФК матбуот хизмати.