“Barselona”ning sobiq hujumchisi Luis Suares Argentina terma jamoasi sardori Lionel Messini JCH-2022 finalida Fransiya ustidan qozonilgan g‘alaba bilan (3:3, 4:2) tabrikladi. Ilgari ular kataloniyaliklar safida birga o‘ynashgan.

“Tabriklayman, do‘stim! Siz jahon chempionisiz. Ular xohlaganini aytishsin, sen eng zo‘risan”, — deb yozdi Suares ijtimoiy tarmoqlarda.

35 yoshli Messi JCH-2022da 7 ta o‘yinda 7 ta gol urdi va 3 ta golli uzatmani amalga oshirdi. U turnirning eng yaxshi o‘yinchisi deb topildi.