Milanning “Inter” klubi rahbariyati hujumchi Edin Jeko bilan shartnoma uzaytirilishini istisno qilmayapti. Jamoa Markus Tyuramni kelasi yozda Gladbaxning "Borussiya"sidan tekinga qo‘lga kiritish istagida bo‘lishiga qaramay, jurnalist Nikolo Shkiraning so‘zlariga ko‘ra, agar bosniyalik futbolchi maoshini uch million yevrogacha kamaytirishga rozi bo‘lsa, "neradzurrilar" Jekoni jamoada saqlab qolishga tayyor.
Eslatib o‘tamiz, "Roma"ning sobiq hujumchisi "Inter" safida ikkinchi mavsumini o‘tkazmoqda. Futbolchi o‘tgan yozda Simone Indzagi jamoasiga tekinga kelib qo‘shilgandi.
Joriy mavsumda Jeko A Seriyada 6 ta gol urdi va ikkita golli uzatmani amalga oshirdi.
