Миланнинг “Интер” клуби раҳбарияти ҳужумчи Эдин Жеко билан шартнома узайтирилишини истисно қилмаяпти. Жамоа Маркус Тюрамни келаси ёзда Гладбахнинг "Боруссия"сидан текинга қўлга киритиш истагида бўлишига қарамай, журналист Николо Шкиранинг сўзларига кўра, агар босниялик футболчи маошини уч миллион еврогача камайтиришга рози бўлса, "нерадзуррилар" Жекони жамоада сақлаб қолишга тайёр.
Эслатиб ўтамиз, "Рома"нинг собиқ ҳужумчиси "Интер" сафида иккинчи мавсумини ўтказмоқда. Футболчи ўтган ёзда Симоне Индзаги жамоасига текинга келиб қўшилганди.
Жорий мавсумда Жеко А Серияда 6 та гол урди ва иккита голли узатмани амалга оширди.
